[jonfr]

Það er bara ráðist á fólk þegar það er verið að gera athugasemdir við það að viðkomandi er að svindla sér fram fyrir biðröðina.

Tilvitna

Hrottafengin líkamsárás í miðbæ Reykjavíkur

Kona á þrítugsaldri varð fyrir hrottafenginni líkamsárás þriggja kvenna um tvítugt í biðröð við skemmtistaðinn Sólon í miðborg Reykjavíkur á þriðja tímanum í nótt. Hún var dregin á hárinu eftir gangstéttinni, sparkað í hana og stór bútur bitinn af eyra hennar, að sögn sjónarvotta.

Konan gekkst undir skurðaðgerð á eyranu á Landspítala Háskólasjúkrúahúsi í Fossvogi í dag.

Ein árásásarkvennanna náðist og var færð á lögreglustöð, en sleppt að lokinni yfirheyrslu. Tvær aðrar stúlkur í biðröðinni urðu einnig fyrir árás stúlknahópsins en sluppu við meiriháttar meiðsli.

Konan sem varð fyrir árásinni er 27 ára gömul. Samkvæmt heimildum Vísis hefur hún aldrei áður hitt árásakonurnar þrjár. Þær ætluðu að svindla sér fram fyrir fórnarlambið í röðinni. Þegar hún gerði athugasemd við það réðust þær umsvifalaust á hana.

Samkvæmt frásögn sjónarvotta stöðvuðu tveir menn í biðröðinni árásina og hringdu í lögreglu, sem kom fljótt á staðinn. Dyraverðir staðarins voru hins vegar innandyra, nokkra metra frá árásinni.

Lögregla á staðnum sagði að litið væri atburðinn sem stórfellda líkamsárás.

Vísir.is

[Jack Daniels]

Ótrúleg heiftin sem er orðin í fólki.
Hvað veldur þessu?

[genesiS]

Keli, í Jul 29 2007, 17:39 : 18, sagði:

Ótrúleg heiftin sem er orðin í fólki.
Hvað veldur þessu?

Kæmi mér ekki á óvart að eiturlyfin séu almennt að ná algerri yfirhönd á unga fólkinu.
Það var svo sem við því að búast miðað við silkihanskana sem fara með þessi mál hér á landi. Þó vandamálin blasi við hjá nágrannalöndum okkar, þá kjósa ráðamenn að setja upp sjóræningjalepp. Ekki fyrir öðru, heldur báðum augum.

[Jack Daniels]

Það var talað við ungan mann sem kom að slagsmálunum í nótt og hann sagði að stúlkan sem beit stykki úr eyranu á konunni hefði hlaupið aftar í röðina og farið að stæra sig af verknaðinum og verið voðalega stolt af.
Hann endaði á því að segja hreint út að þessi stúlka þyrfti alvarlega á hjálp að halda.