[jonfr]

Það er víst nýtt fjarskiptafyrirtæki að koma á markað hérna á landi.

Tilvitna

Novator vill símarekstrarleyfi

Novator, fyrirtæki Björgólfs Thors Björgólfssonar, áætlar að fjárfesta í farsímarekstri hérlendis fyrir hundruð miljóna króna. Fyrirtækinu þykja símgjöldin hér á landi há og sjá tækifæri til samkeppni. Fyrirtækið hefur sótt um rekstrarleyfi fyrir 3. kynslóðar farsíma hér á landi.

Fyrirtæki Björgólfs Thors hefur þegar um nokkurt skeið sinnt símarekstri í Austur-Evrópu. Meðal annars hefur það tekið þátt í rekstri svonefndra 3. kynslóðar farsíma. Í stuttu máli þýða 3. kynslóðar farsímar meiri flutningsgetu um farsíma, til að mynda þannig að fólk geti horft á sjónvarp í farsímanum. Þetta krefst hins vegar nokkurra fjárfestinga í dreifikerfi því t.d. þarf fleiri fjarskiptamöstur en við rekstur þeirra farsíma sem nú tíðkast.

Novator hefur um skeið haft svonefnt tilraunaleyfi til að reka 3. kynslóðar farsíma en hefur nú sótt um rekstrarleyfi, samkvæmt heimildum fréttastofu Útvarps. Fáist leyfið hefur það í för með sér fjárfestingar upp á hundruð miljóna króna í dreifikerfi eftir því sem næst verður komist. Fyrirtækið hyggist taka þátt í samkeppni á farsímamarkaði hér á landi; gjaldskrá farsímafyrirtækjanna sem fyrir eru á markaði þyki Novatorum há og því sé tækifæri til samkeppni. Póst- og fjarskiptastofnun hefur boðið út tíðniheimildir fyrir 3. kynslóðar farsíma. Tilboð verða opnuð um miðjan mars.

Rúv.is

[Gabbler]

Áhugavert, en ég mæli ekki með þriðju kynslóðinni.

Þetta er bara sorp að mínu mati. Hef verið með svona síma í eitt ár og þetta er eintómt vesen.

[jonfr]

Hver eru tæknilegu vandamálin ? Ég ætla sjálfur ekkert í 3G síma, þegar þar að kemur þá ætla ég að skipta yfir í langdrægt stafrænt farsímakerfi.

[Gabbler]

jonfr, í Jan 19 2007, 17:11 : 54, sagði:

Hver eru tæknilegu vandamálin ? Ég ætla sjálfur ekkert í 3G síma, þegar þar að kemur þá ætla ég að skipta yfir í langdrægt stafrænt farsímakerfi.

Ég hef ekki fylgst neitt mjög vel með því hvernig stendur á því að þetta er svona lélegt.

Hluti af þessu er að símarnir sjálfir eru mjög lélegir. Þegar ég var búinn að vera með einn síma þá gat ég skipt ókeypis í annan því hann bara bókstaflega virkaði ekki í eitt einasta skipti. Allir þeir sem voru með þessa tegund fengu skipt í nýja síma. En þó ég sé nú með nýjan þá virkar hann ekkert sérstaklega vel. Hann dettur út í tíma og ótíma og svo er bara, að því virðist, tilviljun háð hvort það hringi hjá mér síminn eða ekki.

Þetta er algjört flopp hérna allavega og ég mæli ekki með þessu. Gamla systemið er meira en nógu gott fyrir farsíma.

[jonfr]

Ég er sammála þér í að það er verið að gera farsímanetin of hröð. Ég var að skoða útbreiðslukort fyrir 3G í Danmörku og þar sá ég að það er verið að nota 3G 2100 kerfið.

Annars verð ég fegin að komast yfir í langdrægt farsímakerfi þegar það kemst í gagnið. En ég held að það verði sett upp CDMA-450 kerfi, frekar en GSM-450.