[Jack Daniels]

Það er talið að skapast hafa svigrúm til að lækka eldsneyti um allt að 2 til 3 krónur eins og staðan er í dag á heimsmarkaði, en talið er að verð eigi enn eftir að lækka.
Íslensku olíufélögin eru byrjuð að pumpa á rassgatinu á neytendum eins og venjulega og ætla sér ekkert að lækka verð á næstunni. Ekki einu sinni Atlantsolía sýnir nein merki um að lækkunar sé að vænta hjá þeim.

[Valur Línberg]

Nú er bensínið komið í 104 kr hjá Orkunni í Njarðvík :yahoo:

[Gabbler]

Ekkert vit í því að lækka bensín og olíu.

Til lengri tíma þá þessi takmarkaða auðlind bara eftir að hækka í verði, allar lækkanir í stuttann tíma eru því bara skammgóður vermir. Betra að hugsa til framtíðar en að hugsa nokkra mánuði/ár fram í tímann.

Ódýrt eldsneyti gerir það bara að verkum að fólk kaupir eyðslufrekari bíla. Það sem ég vildi að væri gert er að í nokkrum þrepum ætti verð á eldsneyti að hækka uppí sirka 200 krónur á lítrann. Allur gróðinn, umfram það sem færi til viðhalds á vegum, ætti svo að leggja í það að stórbæta almenningssamgöngur og þungaflutninga á landinu.

Þeir staðir útá landi þar sem fólk er algjörlega háð bílum fengju styrki til að byrja með, allavega þar til almenningssamgangnakerfi væri komið í gang á þeim stöðum líka.

Þungaflutningar færu í fyrstu umferð af vegunum og í skip, til lengri tíma litið væri eina vitið að byggja lestarteina frá Reykjavík til Keflavík til að byrja með en stækka svo netið smátt og smátt, fyrst auðvitað á norðurland og svo suðurland. Þessar lestar notuðu svo að sjálfsögðu innlenda orku og væru ekki neinar últra lestar, bara eitthvað sem hefur reynst vel og hefði hraða við bestu aðstæður kannski uppá 120-150 km/klst.

Þetta er mín skoðun á því hvernig 25 ára framtíðarplan íslendinga ætti að vera. Það er mun betra að hækka eldsneytið núna á meðan við getum gert það á okkar forsendum, en að gera það þegar við neyðumst til þess. Spurningin er ekki hvort heldur hvenær það gerist.

Kveðja.

ps, svo ekki fari á milli mála (útúrsnúningapúkar á hverju hornI) þá er ég auðvitað ekki á móti því að olíufélögin lækki sinn hluta af eldsneytisverði, ég vil að ríkið taki meira. Ríkið á að vera svona buffer á eldsneytisverð.

[Valur Línberg]

Fyrsta skrefið í að losna við þungaflutninga er þegar hafið þar sem núna er byrjað að landa flugvélabensíni beint á tanka í Helguvík og það eitt sparar 15 ferðar af bensínflutningum á dag.

[lister]

Þetta hækkar aftur núna, veðrið í USA veldur því.

[jonfr]

Verð á olíu heldur áfram að lækka. En samt fer voðalega lítið fyrir lækkunum hérna á landi og þær lækkanir sem koma eru litlar og lélegar. Olíufélögin afsaka litlar lækkanir með því að kenna háu gengi króunar um, en eins og staðan er núna, þá er miðgengið á USD 69,6 Kr. Og hefur verið í kringum þessa tölu mjög lengi.

Tilvitna

Ego lækkar verð á bensíni um 50 aura

Ego stöðvarnar lækka verð á eldsneyti í dag. Bensín lækkar um 50 aura og díselolía um 1,00 krónu. Lækkandi heimsmarkaðsverð og sterkari staða krónunnar ráða mestu um þessa ákvörðun.

Algengasta verð á Ego stöðvum er eftir lækkun 109,40 krónur á bensíni en 111 krónur á díselolíu.

mbl.is

Tilvitna

Esso lækkar verð á bensíni um 50 aura

Olíufélagið, ESSO hefur ákveðið lækkun á öllum eldsneytistegundum í dag, 19. janúar. Lækkar lítrinn af bensíni um 50 aura, en dísil-, gas-, flota- og svartolía IFO 30 lækka um eina krónu. Skýring lækkunarinnar nú er sterkari staða krónunnar og lækkandi heimsmarkaðsverð á eldsneyti.

Í tilkynningu frá ESSO kemur fram að þetta er 56. verðbreyting félagsins síðan í júlí á sl. ári en síðast lækkaði verð á bensíni þann 12. janúar um kr. 1,20. „Skýring lækkunarinnar nú er sterkari staða krónunnar og lækkandi heimsmarkaðsverð á eldsneyti. Lækkunin er gerð í trausti þess, að krónan verði áfram jafn sterk og nú.

Eftir lækkunina verður algengasta verð á 95 oktana bensíni hjá Olíufélaginu kr. 111,00 á lítra, en Safnkortshafar fá auk þessa afslátt í formi punkta inn á Safnkortsreikninga sína," samkvæmt tilkynningu frá ESSO.

mbl.is